На стадионот „Фаисал Ал-Хусеини“ во палестинскиот Ал-Рама, гратче кое е во близина на Ерусалим, синоќа се играше, но не се доигра, финалето од Лига купот на Палестина. Играа екипите на Џабар Ал-Мукабера и Марказ Балате, а дуелот е прекинат на полувреме.
Според пишувањата на палестинските медиуми, израелската војска на полувреме од средбата влегла на стадионот и испукала неколку солзавци, по што се случил хаос. Многумина од навивачите втрчале и на теренот, а најголемиот дел од нив имале проблеми со печење на очите и грлото поради солзавецот.
Tens of Palestinians suffocated from Israeli tear gas in Alram, E Jerusalem.
Israeli forces threw tear gas at Faisal Husseini fotball stadium while Balata FC was the playing the finale against Jerusalemitte Jablmokbr team
The second half of the match was delayed indefinitely pic.twitter.com/mhui1Zn29T
— Younis | يونس (@ytirawi) March 30, 2023
За среќа, сите кои биле на стадионот се добро. Освен навивачите, проблем имало и за фудбалерите кои беа во соблекувалните кога се случил инцидентот. Чадот од солзавецот влегол и во соблекувалните, па дел од фудбалерите побарале помош од лекарите.
Беше решено финалето да не се доигра, но сепак имаше победник. Тимот на Џабар Ал-Мукабера имаше предност од 1:0 до почетокот на прекинот, па беше решено тој да биде освојувач на Купот. Џабар Ал-Мукабера е и првак на лигата на Западниот брег.
This was the final match for the official Palestinian fotball cup. pic.twitter.com/jsYZIgpzeh
— Younis | يونس (@ytirawi) March 30, 2023
