Денвер нагетс славеше со 119:115 против Шарлот, а Никола Јокиќ одигра меч кој само покажа зошто е двократен освојувач на МВП -рофејот во НБА. Најсилната кошаркарска лига во светот ваков меч чекаше уште од времето на Вилт Чемберлен, односно од 1968 година.
Јокиќ стигна до 81-виот трипл-дабл во кариерата, и тоа со 40 поени (погоди 13/26 од поле и 12 од 17 слободни фрлања), како и 27 скокови и 10 асистенции. Ваков биланс од 40+ поени, 27+ скока и двоцифрен број асистенции направил само Чемберлен, и тоа четири пати. Последен пат во 1968 година, кога имал 53 поени, 32 скока и 14 асистенции.
Nikola Jokic is the first player to record 40+ PTS, 25+ REB, and 10+ AST in a game since Wilt Chamberlain in 1968. pic.twitter.com/Zfbahd7HvZ
— NBA.com/Stats (@nbastats) December 19, 2022
Резултати од мечевите одиграни ноќеска во НБА: Бостон – Орландо 92:95, Индијана – Њујорк 106:109, Детроит – Бруклин 121:124, Торонто – Голден стејт 110:126, Минесота – Чикаго 150:126, Денвер – Шарлот 119:115, ЛА лејкерс – Вашингтон 119:117.
