Фановите на англискиот фудбал во Македонија од следната година мечевите од Премиер лигата ќе ги следат на каналите на Арена спорт.
Според најавите, една од најатрактивните лиги во светот, само уште оваа сезона 2021/22 ќе биде пренесувана на каналите на Спорт Клуб, а потоа следува „трансфер“ на Арена спорт. Ова важи за сите земји од поранешна Југославија.
Договорот на Премиер лигата и Арена спорт е потпишан на шест години, што значи дека мечевите од англиското првенство ќе бидат на овој канал до јуни 2029 година. Најавено е дека пренос ќе има од сите 380 натпревари во сезоната!
