Португалскиот тренер Витор Переира ќе седи на клупата на екипата на Нотингем форест до крајот на сезоната. Преира ја доби довербата да биде на чело на Шумарите, а главна цел е да се обезбеди опстанок.
Переира е четвртиот тренер кој сезонава ќе биде предводник на Нотингем. Тимот сезоната ја почна со Нуњо Еспирито Санто, а потоа на клупата беа и Анге Постекоглу и Шон Дајш. Токму Дајш доби отказ по ремито без голови против Вулверхемптон кој е најслаб тим во лигата.
Переира има искуство со работа во Англија. Минатата сезона тој беше тренер во Вулверхемптон. Претходно тој бил тренер на Фламенго, Коринтијанс, Фенербахче, Олимпијакос, Ал Ахли, Порто…
