Манчестер сити покажа дека брзо го заборави поразот од градскиот ривал Манчестер јунајтед и се врати на победите. Граѓаните без никакви проблеми, со убедливи 5:2 го победи Саутемптон, во меч од Премиер лигата. Со овој триумф Сити повторно избега на 14 бода пред вториот Манчестер јунајтед и сега на уште девет кола до крајот, на Граѓаните им требаат уште 17 бода за да може и теоретски да ја обезбедат титулата и тоа во случај Црвените ѓаволи да ги победат сите до крајот.
Голеадата на стадионот на Сити започна со голот на Кевин де Брујне во 15 минута. Гостите израмнија на 1:1, но тоа реми кратко траеше, затоа што до крајот на полувремето погодија Марез и Гундоган за 3:1. Во вториот дел уште по еден гол дадоа Марез и Гундоган, а Саутемптон погоди по втор пат на мечот, па во 60 минтуа веќе беше 5:2.
Ова е 13-ти меч сезонава во Премиер лигата на кој има 7+ погодоци и сега останува само уште еден натпревар да биде со барем седум погодоци, за да се достигне рекордот во англиското првенство. Во три сезони досега имало дуели на кои имало најмалку по седум погодоци.
13 – Man City v Southampton is the 13th different Premier League game to see 7+ goals in 2020-21; only 1992-93, 1997-98 and 2009-10 (all 14) have had more games with 7+ goals in a season in the competition. Feast. #MCISOU
— OptaJoe (@OptaJoe) March 10, 2021