Екипата на Спортинг Лисабон одлично ја почна сезоната и редеше победи. Потоа се случи во целата идила на португалскиот гигант да се вмеша Манчестер јунајтед, кој им го „украде“ тренерот Рубен Аморим и потоа работите тргнаа на лошо за Спортинг.
По заминувањето на Аморим, Спортинг за негов наследник го назначи Жоао Переира кој претходно беше во вториот тим на гигантот од Лисабон. Переира потпиша тригодишен договор, но неговиот ангажман траеше само осум натпревари.
Португалскиот весник „А’Бола“ извести дека Переира добил отказ по синоќешното реми на Спортинг против Жил Висенте. Истиот извор открива дека тренерот кој само осум меча го водеше Спортинг ќе добие исплата на четири милиони евра како откупна клаузула за раскин на договорот. Тоа значи дека за еден меч како тренер на Спортинг, Переира во просек заработувал 500.000 евра.
Во осум меча како предводник на Спортинг, Переира го предводеше тимот само до три победи и го загуби лидерското место на табелата во домашното пренство.
