Грција се откажа од организација на женскиот ракометен квалификациски турнир за настап на Мундијалот во 2021 година, па Македонија ја искористи шансата и ќе биде домаќин во ноември уште и на селекцииите на Литванија и на Исланд.
Од нашата Ракометна федерација потврдија дека ја прифатиле организацијата на турнирот со четири селекции што ќе се игра во ноември годинава.
Според ждрепката, домаќинството првично ѝ припадна на Грција, но таа се откажа, па Македонија ќе го организира турнирот на кој двете најдобри селекции ќе обезбедат настап во бараж-мечевите на настап на Светското првенство.
Финалната рунда, односно бараж-двомечите ќе се играат во април следната година, а сега македонската репрезентација има многу поголеми шанси за пласман во таа фаза.
Светското првенство ќе се игра во Шпанија од 1 до 19 декември во 2021 година и тоа ќе биде јубилејниот 25-ти женски ракометен Мундијал.
