Редовен играч на Sport Life од Охрид со уплата само од 100 денари дојде до одлична добивка дури од 83.637 денари. На тикетот се одиграни 10 натпревари на голови и на комбинации од голови и конечен тип.
Типовите излегуваа без поголем проблем сè додека не дојде редот на Болтон, кој беше потребно да го победи Мансфилд и на натпреварот да има најмалку три гола. Сепак, мечот започна спротивно од потребното и гостите дојдоа во водство во 34-тата минута, предност која ја задржаа сè до 75-тата, кога Болтон израмни, а само пет минути подоцна и направи комплетен пресврт. До крајот на мечот домашните постигнаа уште еден гол за победа од 3-1.
Кога веќе Болтон беше добитен, остануваше само уште еден меч, и тоа од Купот на Парагвај, помеѓу екипите на Ликено и Гуарани, а потребно беше да нема повеќе од два гола, додека натпреварот заврши без голови, 0-0.
