Претседателот на Аргентина, Хавиер Милеи, го смени заменик-министерот за спорт, Хулио Гаро, кој изјави дека Лионел Меси треба да се извини за расистичките навреди на репрезентативците на земјата кон француските фудбалери, соопшти прес-службата на претседателот.
„Претседателот изјавува дека ниту една влада не може да ѝ каже на Аргентина светски шампион и победник на Копа Америка, што да каже, што да мисли или што да прави, исто како и на секој друг граѓанин. Поради таа причина, Хулио Гаро повеќе не е заменик-министер за спорт“, се вели во соопштението од претседателскиот кабинет на Аргентина.
Порано, во интервју за радио „УрбанаПлеј“, Хулио Гаро потенцираше дека „капитенот на националниот тим треба да се извини во овој случај, како и претседателот на Аргентинската фудбалска асоцијација“.
По финалето на Копа Америка, во кое Аргентинците ја победија Колумбија со 1-0 по продолженија, шампионите објавија на социјалните мрежи видео во кое се слуша песна што содржи расистички навреди кон фудбалерите на Франција.
