Малави успеа по 11 години пауза да се пласира на Африканскиот куп на нации, а радоста на граѓаните на 19-милионската земја беше огромна.
Ги предводеше претседателот на Малави, Лазарус Чаквера, кој трчаше по улиците на главниот град Лионгве и со песна им се приклучи на сонародниците во прославата на големиот фудбалски успех.
Malawi 🇲🇼 qualifying for the Afcon for the first time since 2010. The country's President Lazarus Chakwera couldn't help but hit the street to jubilate with the people… pic.twitter.com/IpR1taA0L1
— Saddick Adams (@SaddickAdams) March 30, 2021
Малави беше во транс, а во сите 28 дистрикти во три региони на африканската земја се прославуваше лудо.
The streets of Blantyre have erupted after Malawi qualified for AFCON 2022 after beating Uganda 1-0. pic.twitter.com/F21GWxV2aJ
— Francis Gaitho (@FrancisGaitho) March 29, 2021
Во последниот меч во квалификациите за настап на АФКОН , Малави во директен дуел за второто место во Б групата ја победи Уганда со 1:0 и заедно со Буркина Фасо е патник на африканскиот фудбалски шампионат.
Досега, популарните Флејмс имаат два настапи на АФКОН, во 1984 и во 2010 година, а ова ќе им биде трето учество. Шампионатот ќе се игра во Камерун на почетокот на идната година, иако требаше да се одржи во јуни и јули годинава, паралелно со Европското првенство.
