Директорот на ПСЖ, Луис Кампос, изјави дека управата на Светците преговара со Лионел Меси околу новиот договор и дека ќе направи сè за Аргентинецот да остане во Париз.
„Во моментов преговараме со Меси за продолжување на неговиот договор. Нашата желба е да ја продолжиме соработката, ние како клуб имаме плаови за иднината и сакаме Меси да биде дел од тие планови“, изјави Кампос.
Договорот на Меси со ПСЖ истекува на крајот од сезоната, а медиумите, посебно тие во Шпанија, уште сега почнаа да пишуваат дека Аргентинецот ќе се врати во Барселона.
Но, првиот оперативец на ПСЖ, вели дека одлуката ќе ја донесе Меси, и според него, токму францускиот тим има предност пред Барселона.
„Сè уште немаме целосно идентични ставови со Меси, но тој ни рече дека сака да остане“, додава Кампос.
