Манчестер сити е одлучен да оди на петта титула по ред во англиската Премиер лига, а прв предизвик во новата сезона ќе им биде дуелот против Челзи, и тоа на гостински терен. Тренерот на Граѓаните, Пеп Гвардиола, уште на стартот се соочува со проблеми, па во составот за пресметката во Лондон нема да може да смета на Родри.
Креативецот кој ја има една од најважните функции во тимот на Сити, го пропушти целиот подготовителен период, па некако логично беше да не биде подготвен ниту за првото коло.
„Уште не започнал со тренинзи. Ќе видиме како неговото тело ќе реагира и се надеваме дека во скоро време повторно ќе го имаме на теренот“, вели Гвардиола.
Родри се повреди во финалето на Европското првенство, кога го напушти мечот против Англија на полувреме.
Со Родри во составот, Сити имаше 74 меча без пораз, а таа неверојатна низа заврши на крајот од претходната сезона, кога Манчестер јунајтед го победи градскиот ривал во финалето на ФА купот.
