Во Реал Мадрид владее одредена доза на несигурност околу состојбата на Дин Хаусен. Иако до „Ел Класико“ остануваат единаесет дена, неговата ситуација повеќе буди претпазливост отколку оптимизам. Клубот изразува уверување дека тој ќе биде подготвен, но никој не може тоа да го гарантира, пишува „АС“.
Главната причина е што за таков натпревар не е доволно само да се биде на теренот – потребно е да се биде во врвна форма, 200% подготвен. Неговата повреда бара околу две недели за опоравување, што значи дека секое одложување ќе го претвори настапот во трка со времето. Се очекува да се врати, но загриженоста останува.
Дин Хаусен доби силен удар и повреда во дуелот против Виљареал на 4 октомври. Тој го одигра целиот натпревар откако претходно имаше само една минута одмор во текот на целата сезона. Она што првично изгледаше како замор, се покажа како повреда на листот на левата нога.
Иако повредата е лесна, таа налагаше пауза од натпревари. Првичната прогноза на клубот беше дека ќе отсуствува околу 15 дена. Хаусен го напушти кампот на шпанската репрезентација и започна со рехабилитација, при што до Ел Класико остануваа 18 дена, што даваше надеж дека ќе може да закрепне.
