Новата сезона само што започна, а англискиот првак Манчестер сити се најде во незавидна ситуација. Поради густиот распоред на мечеви, Граѓаните ќе мора да одиграат две средби, и тоа во растојание само од 49 часа.
Првично распоредот не беше така, но Сити ќе мора да го помести дуелот против Ватфорд во Лига купот и наместо да го игра на 25 септември, тоа да биде еден ден порано.
Причината за поместувањето е европската пресметка на Манчестер јунајтед против Твенте, а полицијата во Манчестер најавила дека нема доволно капацитет соодветно да ги покрие двата натпревари, кои би се играле во ист ден според првично планираното.
Manchester City’s FA Cup tie will take place on Tuesday 24th September at 19:45, just 49 hours after the conclusion of City vs Arsenal. ⏳ pic.twitter.com/x7GVHuham6
— mcfc lads (@mcfc_lads) September 4, 2024
Сега Сити мора да биде подготвен да игра дерби-дуел против Арсенал на 22 септември, а само 49 часа подоцна, односно на 24 овој месец да се сретне и против Ватфорд во Лига купот.
