Ѕвездата на ПСЖ и „Златна топка“ за 2025 година, Усман Дембеле, не штедеше критики за играта на тимот по изненадувачкиот пораз од 1-3 од Рен.
Францускиот крилен напаѓач повика на итна промена на менталитетот, нагласувајќи дека индивидуалните амбиции во моментов го попречуваат колективниот успех. Според него, главната разлика помеѓу сегашната форма и минатогодишните успеси лежи во ставот на играчите.
„Минатата сезона, секогаш го стававме клубот и амблемот на ПСЖ на прво место пред да размислуваме за себе. Треба повторно да го откриеме тоа, особено во вакви натпревари“, рече разочараниот играч по последниот свиреж.
Дембеле нагласи и дека лошиот почеток на натпреварот е само симптом на подлабок проблем – недостаток на глад за победа и прекумерен индивидуализам.
По овие зборови на Дембеле во соблекувалната се создадоа тензии, па дојде и брза реакција од тренерскиот персонал.
„Нема да дозволам ниту еден играч да мисли дека е поважен од мене, од спортскиот директор, или од претседателот. Изјавата на Дембеле е безвредна, јасно е дека е резултат на гневот по натпреварот“, рече тренерот.
