Екипата на Ванкувер пред неколку дена се пофали дека ги распродала сите билети за дуелот против Интер Мајами. Стадионот на Ванкувер собира 54.000 гледачи, а целиот капацитет за брзо време бил целосно распродаден затоа што беше најавено дека ќе гостуваат Лионел Меси, Луис Суарес и останатите ѕвезда во дресот на Интер Мајами.
Фановите на Ванкувер денеска беа разочарани откако од Интер Мајами соопштија дека за гостувањето кај Ванкувер, поради згуснатиот распоред било одлучено да не патуваат Меси, Суарес и Серхио Бускетс.
Ниту еден од овие три големи некогашни ѕвезди на Барселона не се повредени, но едноставно нема да патуваат во Ванкувер, затоа што Интер Мајами три дена потоа игра уште еден тежок дуел.
Моментално Интер е прв на табелата на Источната конференција со 31 бодови, додека Ванкувер е на седмото место со 19 бодови.
None of them are injured but Lionel Messi, Luis Suárez & Sergio Busquets did not travel with Inter Miami for the game vs Vancouver.
It’s a shame for the sold out stadium (54.000 fans) but it’s a long flight with another game taking place 3 days later so they are being rested. pic.twitter.com/DOmIWR0U0N
— (@TheEuropeanLad) May 24, 2024
