Одличните игри на Њукасл продолжија и на гостувањето кај Тотенхем, каде „страчките“ дојдоа до шесттата победа по ред, односно петта во низа во Премиер лигата. Њукасл победи со пресврт и успеа да се задржи на четвртата позиција на табелата, со четири бода пред Манчестер сити.
Доминик Соланке во четвртата минута го донесе Тотенхем во водство од 1-0, но само две минути подоцна Ентони Гордон ги врати работите на почеток, откако израмни на 1-1. Конечните 1-2 беа поставени во 38-мата минута, кога Александер Исак погоди во мрежата на Остин за голема победа на Њукасл.
