Баерн Минхен оствари минимален триумф (0-1) на гости против Сент Паули и ја зголеми предноста на табелата во однос на Лајпциг на шест бода. Сепак, тимот на Елиф Елмас допрва ќе игра против Борусија Менхенгладбах во ова коло од Бундеслигата.
Џамал Мусијала беше стрелец на единствениот гол за Баерн на овој меч. Тој упати проектил од далечина и погоди во 22-та минута.
Борусија Дортмунд доживеа пораз (3-1) на гости против Мајнц. Емре Џан доби црвен картон во 27-та минута, па домаќините имаа предност на теренот. Ли Јае-Сунг обезбеди водство за Мајнц, но израмни Серху Гираси од пенал. Сепак, Бурхарт повторно донесе предност за Мајнц пред паузата, а Паул Небел во 54-та минута ја потврди победата.
Баер Левекузен одигра 1-1 на гости против Бохум. Патрик Шик во 18-та минута погоди за Баер Леверкузен, но израмни Који Мијоши во 89-та минута од мечот.
