Интересно ќе биде 30. коло на Спортска прогноза со два исклучително интересни дерби дуели и уште 11 неизвесни натпревари што се на менито на популарната Тринаесетка.
Може да се одигра до 15.30 часот денеска, а прогнозерите веќе си одредуваат свои фаворити во трката за „ајфон12“.
Со свои прогнози можете да се приклучите и вие во играта што е бесплатна и забавна, а ја организираат Sport Life и Спорт Манија со многу вредни награди.
Вкупно 12 натпревари во понудата за 30. коло се од Топ-5 лигите, плус големото турско дерби на Истанбул, меѓу Фенербахче и Галатасарај, што ќе се игра во недела од 19.30 часот и е последен на менито од сите 13 мечеви.
Во фокусот секако е мега-дербито во Англија меѓу Манчестер сити и Ливерпул што ќе се игра утре на „Етихад“ во Манчестер од 17.30 часот.
Тоа е меч што може да одлучи која екипа ќе биде шампион на Англија и му дава посебен шмек на 30. коло на Спортска прогноза.
Манчестер сити е лидер во Англија со 73 бода, само еден повеќе од Ливерпул на 8 кола до крајот на Премиерлигата.
Стандардно за секое коло за погодени 13 натпревари, Sport Life и Спорт Манија како организатори на бесплатната игра доделуваат прекрасен мобилен телефон „ајфон12“, а има уште многу награди.
И трката за шампионската титула во Генерален пласман е исклучително интересна, а најдобриот прогнозер ќе добие ТВ Смарт од 48 инчи и наградени ќе бидат најдобрите 5 прогнозери.
Sport Life и Спорт Манија ги наградуваат и утките, па со еден промашен пар се добива ваучер од 1.000 денари што може да се искористи за обложување, а со два промашени пара наградата е ваучер од 500 денари.
