Прогнозерите во седмото коло на Спорртска прогноза се сигурни во победите на Вулверхемптон, Монпелје, Арсенал, Лацио, Тотенхем и Вилјареал во трката за „ајфон 12“ што го доделува Sport Life во секое коло во четвртата сезона на популарната и бесплатна игра.
Ако им верувате на искусните волци кои долго ја играат Спортската прогноза тогаш ќе треба да ги погодите преостанатите 7 двојки на популарната Тринаесетка, а тоа треба да го сторите до 15.30 часот денеска.
По сопствен избор секој учесник може да си состави своја комбианција и да ја одигра седмата рунда на популарната Тринаесетка, плус двата резервни пара кои носат поени во Генерален пласман и да се вклучат во трката за убави награди.
Покрај „ајфонот“ што е веќе стандардна премија за секое коло за погодени максимален број на натпревари, Sport Life доделува ваучери и за промашени натпревари.
Со една утка се добива ваучер од 1.000 денари, а за две промашувања, односно 11 погодени натпревари ви следува ваучер од 500 денари.
Играта е бесплатна и се што ви треба да се приклучите е да имате СЛ картичка од Sport Life; која исто така не се наплаќа, а може брзо да се добие на шалтерите на сите обложувачки места.
