Вчера се одиграа пет, а за денеска останаа уште осум парови од основната 13-ка на Спортска прогноза, а ако верувате во типувањето на мнозинството играчи кои ги има илјадници, по нивен вкус може да се состави прекрасен празничен тикет.
Возбудувањата ќе започнат од 15 часот кога ќе играат три меча од Премиер лигата.
За победа на Њукасл на гости над Кристал Палас се изјасниле 68,2 отсто. Во победа на Тотенхем над Сандерленд веруваат 59,3 проценти од прогнозерите. Над 73 отсто чекаат победа на Мајорка над Рајо, три четвртини мислат дека Лил ќе триумфира во Тулуз, а за дербито Челзи – Манчестер сити мнозинството е за „двојка“, 64,4 проценти од играчите типуваат победа на Сити.
„Кецови“ треба да бидат Мајнц – Фрајбург и Билбао – Виљареал, така мислат 66,5 односно 54,2 проценти од играчите на Спортска прогноза.
Поделеноста е најголема кај Нотингам форест – Астон вила. Таму 44,1 отсто се за победа на Вила, 32,2 отсто за нерешено, додека 23,5 отсто типуваат победа на Форест.
Доколку се земат во предвид прогнозите за кои има над 40 проценти, замислениот денешен тикет по вкусот на мнозинството прогнозери изгледа вака:
1007 Кристал Палас – Њукасл 2
1008 Сандерленд – Тотенхем 2
1307 Мајорка – Рајо Ваљекано 1
1705 Тулуз – Лил 2
1009 Челзи – Манчестер сити 2
1809 Мајнц – Фрајбург 1
1309 Билбао – Виљареал 1
1006 Нотингам форест – Астон вила 2
