Екипата на Зира од Азербејџан направи изненадување откако успеа да го елиминира Осиек во третото коло од квалификациите за пласман во Конференциската лига на УЕФА. Првиот меч заврши 1:1, а на ревашот Осиек водеше со 1:0 и 2:1 до 90-тата минута, но Зира израмни на 2:2 и се избори за продолженија, а потоа победникот мораше да се решава на пенали.
Фудбалерите на двете екипи беа катастрофални изведувачи на пенали, а на крајот се радуваа домаќините со победа од 2:1 по петте серии. По првите четири серии, резултатот беше 1:1, потоа гостите од Осиек промашија, па домаќините тоа го искористија и со погодок во петтата серија стигнаа до победа и пласман во следната фаза.
