Прооде на 12 години, а осум години подоцна беше најбрза жена на светот (Видео)

Во далечната 1960 година, на Олимписките игри во Рим, спортот доби една хероина која беше позната под прекарот Златна газела откако Вилма Рудолф освои златни медали на 100 и 200 метри, како и во штафетата 4х100 и на сите три трки постави олимписки рекорди. Но, првата жена која 100 метри истрча за 11 секунди, само осум години претходно беше болна од детска парализа и не можеше ниту да оди.

Вилма во огромното семејство беше 20-то од 22-те деца на сиромашни родители од Тенеси, а поради болеста, прооде дури на 12-годишна возраст. Тоа не ја спречи да се занимава со спорт, желбата беше огромна, а пред да стане атлетичарка, играла кошарка во средно училиште.

На 16 години беше член на американската штафета на ОИ во Мелбурн 1956 година, кога освои бронза, па доби и стипендија за на факултет, кој го заврши во 1963 година. На ОИ во Рим 1960 година таа се покажа како најбрза жена на светот, триумфираше на спринтерските трки.

Потоа работеше како учителка, тренер и спортски коментатор, имаше четири деца, а почина во 1994 година, на 54-годишна возраст.