Реванш-натпреварот меѓу Ривер плате и Бока јуниорс дефинитивно нема да се одигра овие денови. По неколку презакажувања, одлучено е мечот да се одигра на осми декември, откако фудбалерите на Бока два дена по ред не сакаа да истрчаат на теренот, поради што нивниот автобус претходно беше нападнат од страна на навивачите на Ривер.
Во нападот имаше неколку повредени фудбалери, КОНМЕБОЛ вршеше притисок да се одигра мечот на „Монументал“ иако ситуацијата беше вжештена, на крајот, поради безбедносни мерки, средбата се презакажа.
За ривалството меѓу овие две екипи не треба да се зборува, „Суперкласико“ е едно од најголемите дербија во фудбалскиот свет, па колку и да е неспортски и нехумано, вакви ситуации и напади како да се очекувани.
Сепак, една фотографија покажува дека навивачите на Ривер не здивеле без причина. Тие беа предизвикувани и провоцирани од страна на еден од фудбалерите на Бока, Фернандо Гаго. На фотографијата јасно се гледа како Гаго со среден прст ги поздравува навивачите на ривалот, по што тие збеснаа и почнаа да фрлаат со предмети кон автобусот во кој беше тимот на Бока.
https://twitter.com/franale14rp/status/1066753597902385152?ref_src=twsrc%5Etfw%7Ctwcamp%5Etweetembed%7Ctwterm%5E1066753597902385152&ref_url=http%3A%2F%2Fsportklub.rs%2FFudbal%2FFudbal-ostalo%2Fa259076-Navijaci-Rivera-nisu-slucajno-poludeli-kriv-je-Gago.html
