Реал Мадрид има четири бода предност пред градскиот ривал, Атлетико, на врвот од Ла Лига, откако без поголеми проблеми и рутински го победи „фенерџијата“ Ваљадолид на гости со 0-3.
Сите три гола беа дело на Килијан Мбапе, за кого ова е прв хет-трик во дресот на Реал Мадрид. „Кралевите“ го скршија отпорот на противникот во 30-тата минута, потоа Французинот зголеми на 0-2 во 57-мата минута, а конечниот резултат го постави од пенал во 91-вата минута.
