Макс Ферстапен победи на трката во Бразил, која беше посебна по многу работи. Холанѓанецот стартуваше дури од 17-тото место, но покажа шампионски карактер и на крајот заврши како најбрз.
Трката на патеката „Интерлагос“ неколку пати беше во прекин и влегуваше безбедносното возило. Во еден момент беше развиорено и црно знаме, што е вистинска реткост во Ф1 шампионатот.
Возачот на тимот на Хас, Ник Хулкенберг, излета од патеката во 28-миот круг, а механичарите и инженерите од неговиот тим притрчаа да му помогнат. Тие го истуркаа болидот да му помогнат на Хулкенберг да се врати во трката, но тоа е недозволено.
Ваквото прекршување на правилата се санкционира со развејување на црно знаме, а Хулкенберг беше дисквалификуван.
„Нико Хулкенберг беше дисквалификуван затоа што службени лица го вратија на патеката откако тој излета во 28-миот круг“, стои во официјалното образложение на твитер профилот на Ф1.
🏴 BLACK FLAG 🏴
Nico Hulkenberg has been disqualified for being pushed back onto the track by race marshals after getting beached on a kerb on Lap 28 ❌#F1 #BrazilGP pic.twitter.com/b0akvI7nC1
— Formula 1 (@F1) November 3, 2024
Интересно е дека црно знаме во Ф1 немало уште од 2007 година, кога на трката за Големанта награда на Канада беа дисквалификувани Фелипе Маса и Џанкарло Физикела.
