Со доаѓањето на Жозе Мурињо за менаџер на Тотенхем, може да се очекува во следниот период да има неколку звучни засилувања во клубот. Додека не започне зимскиот трансфер-период, Тотенхем реши да го задржи Тоби Алдервејрелд. Белгискиот репрезентативец е еден од стандардните играчи, па затоа и доби продолжување на договорот до 2023 година.
Алдервејрелд дојде во Тотенхем во 2015 година и го истакна својот квалитет, па подолго време е стандарден во првиот тим. Стоперот кој веќе 10 години е дел и од репрезентацијата на Белгија, претходно има играно за Ајакс, Атлетико Мадрид и Саутхемптон. Сега, со новиот договор тој се обврза да остане во лондонскиот тим до 2023 година.
Во следните неколку денови се најавува дека и други играчи кои имаат важна улога во играта на Тотенхем ќе добијат нови договори.
