Шпанскиот тенисер Карлос Алкараз се пласираше во третото коло на Вимблдон, откако без многу проблеми со 3:0 во сетови го победи Александре Милер од Франција. Нешто повеќе од два и пол часа траеше мечот во кој Алкараз во првиот сет доволно му беше да направи еден брејк, за да го добие со 6:4.
Многу понеизвесно беше во вториот сет во кој двајцата тенисери беа сигурни на свој сервис, па мораше да се игра тајбрејк. Немилосрден беше Алкараз во тајбрејкот и поведе со 6:0, а потоа лесно го доби со 7:2 и стигна до 2:0 во сетови.
Во третиот сет ситуацијата беше слична како во првиот. Само еден брејк беше доволен за Шпанецот да стигне до 6:3 и без загубен сет да оди во следната рунда.
