Белинда Бенчиќ за првпат во својата кариера ќе игра полуфинале на еден Гренд слем. Нејзиниот рекорден пласман на ОП на САД го обезбеди по триумфот од 2-0 во сетови (7-6, 6-3) против Дона Векиќ. Швајцарката по еден час и 42 минути славеше против младата хрватска тенисерка, која ѝ правеше доста проблеми во првиот сет.
Векиќ се покажа како тврд орев откако го направи првиот брејк на мечот за водство од 5-4 во гемови. Но, тоа не беше доволно за Хрватката, Бенчиќ возврати со иста мера, па во тајбрејкот ја искористи дури третата сет-топка. Се почувствува пад на самодовербата кај Векиќ, а сето тоа го искористи Швајцарката и со два нови брејка и по три меч-топки го обезбеди пласманот во полуфиналето.
A maiden Grand Slam semifinal!@BelindaBencic gets past Vekic and it's all joy on court…#USOpen pic.twitter.com/Jzq6Gqp2tc
— US Open Tennis (@usopen) September 4, 2019
