Новак Ѓоковиќ со убедлива победа од 3:0 стартуваше на гранслем-турнирот во Њујорк. Србинот кој атакува на рекордната 25-та титула на најголемите тениски турнири го победи домашниот тинејџер Лирнер Тиен.
Оваа победа на Ѓоковиќ беше доволна за да биде поставен еден неверојатен рекорд. Србинот стана првиот играч во отворената тениска ера што победува во првото коло на 75 гранслем-турнири во низа.
It’s only the first round of the US Open, but Novak Djokovic is already rewriting history. With his victory, he becomes the first player in the Open Era to record 75 consecutive opening-round wins at Grand Slam events, a streak that shows his unmatched consistency and dominance… pic.twitter.com/8JQapUiqjz
— EssentiallySports (@ES_sportsnews) August 25, 2025
Следниот противник на Ѓоковиќ ќе биде Закари Свајда. Се работи за 22-годишен Американец кој во првото коло го совлада Унгарецот Жомбор Пирош со 3:0 во сетови (6:4, 6:2, 7:5). Свајда моментално е на 143-тото место на АТП-листата, а најдобар резултат на гранслем-турнирите му е токму пласман во второ коло.
