На Џенаро Гатузо не му тргна како што посакуваше на клупата на Наполи. Во првиот меч како тренер, Гатузо на свој терен загуби од Парма со 1:2. Во составот на Наполи на таа средба го немаше македонскиот репрезентативец Елиф Елмас, кој остана на клупата за резерви.
Најавите од Италија тогаш беа дека Гатузо се откажал од Елмас и дека може дури и да го прати на позајмица во јануарскиот преоден рок. Сепак, по поразот од Парма, работите се менуваат. На гостувањето кај Сасуоло се очекува Елмас да биде стартер, но би играл како крило, а не во централниот дел од теренот. И оваа позиција не е непозната за Елмас бидејќи во репрезентативниот дрес на Македонија има играно по страничните делови од теренот.
На последните три гостувања кај Сасуоло, Наполи играл нерешено (двапати 1:1 и еднаш 2:2), но тимот од југот на Италија нема пораз од овој ривал во последните осум меѓусебни дуели.
