Кристијано Роналдо по елиминацијата на Португалија од Мароко во четвртфиналето на Светското првенство што се одржува во Катар, им се врати на тренинзите, но изненадувачки, тоа го стори во тренинг-кампот на Реал Мадрид.
Со појавувањето во тренинг-кампот во Валдебебас, предизвика хаос меѓу фановите на Реал Мадрид, но тренинзите не значат дека тој ќе се врати во Кралскиот клуб.
Очекувано, сите сакаа да се фотографираат со Роналдо, посебно играчите на младинскиот тим, но и останатиот персонал на клубот што беше присутен во тренинг-центарот.
Cristiano Ronaldo has trained at Real Madrid sporting center Valdebebas in the last hours — on a separated pitch 🚨⚪️ #Ronaldo
As revealed by @relevo/@hugocerezo, Cristiano’s just working there to keep his form thanks to great relationship with the club, waiting for new chapter. pic.twitter.com/mrbFneIPkt
— Fabrizio Romano (@FabrizioRomano) December 14, 2022
Португалецот сè уште има куќа во Мадрид и според медиумите, очигледно е дека одлучил токму во тренинг-центарот на поранешниот тим да ја одржува формата додека не пронајде нов тим. Дури и весниците блиски до управата на Реал Мадрид, „Марка“ и „Ас“, демантираат дека Португалецот повторно ќе го облече Кралскиот дрес.
Кристијано Роналдо непостредно пред почетокот на СП го раскина договорот со Манчестер јунајтед, а пред неколку дена самиот фудбалер демантира дека се договорил со тимот од Саудиска Арабија, Ал-Наср да потпише договор кој би му носел 200 милиони долари годишно.
Роналдо го носеше дресот на Реал Мадрид од 2009 до 2017 година и со Кралевите освои две титули во Ла Лига и дури четири во Лигата на шампионите.
