ПСВ Ајндховен е освојувач на Суперкупот во Холандија откако убедливо со 4:0 славеше против големиот ривал Ајакс, во „Јохан Кројф Шилд“. Ајакс како освојувач на двојната круна во Холандија беше во улога на фаворит, но ПСВ потврди дека е во одлична форма на почетокот на сезоната.
По само две минути игра, Мадуеке погоди за водство на ПСВ, а истиот играч во 29 минута зголеми на 2:0.
Пред крајот на првото полувреме Ајакс остана и со фудбалер помалку по исклучувањето на Таљафико, кој доби директен црвен картон. Со играч повеќе на теренот, ПСВ во второто полувреме продолжи да напаѓа и постигна уште два гола за убедлив триумф над Ајакс и освојување на 12-тиот Суперкуп трофеј.
