Пари Сен Жермен го доби дербито во Франција против шампионот Лил на убедлив начин со петарда во мрежата на слабиот голман Иво Грбиќ.
Светците победија со 5:1 на гостински терен, а сесрдно со два неверојатни кикса им помогна и хрватскиот репрезентативец на голот на шампионот.
Грбиќ, кој брани за Лил како позајмен голман од Атлетико Мадрид, бранеше очајно, а првата голема грешка ја направи во десеттата минута, кога несфатливо ја испушти топката од раце и му намести зицер на Данило за предност на ПСЖ од 0:1.
Големата грешка на голманот на Лил и погодокот на Данило можете да ги погледнете ОВДЕ.
Грбиќ повторно направи кардинален кикс во 32-рата минута, кога ја промаши топката во воздушен дуел, па Кимпембе лесно погоди, а ПСЖ повторно поведе на мечот, во тој момент со 2:1.
Вториот голем кикс на чуварот на мрежата на шампионот на Франција можете да го погледнете ОВДЕ.
Во продолжението на мечот одлични голови дадоа и Меси, повторно Данило и Мбапе за убедлив триумф на лидерот во Лига 1 со 5:1.
