Пари Сен Жермен го претстави Џанлуиџи Донарума, голманот што потпиша петгодишен договор со францускиот клуб, кој сега под договор има дури 9-мина чувари на мрежата.
Кејлор Навас е број 1 и ќе биде интересна битката меѓу него и Донарума за голманската позиција во првиот состав на Светците од Париз.
Популарнито Џиџио доаѓа во ПСЖ како најдобар играч на Европското првенство, а парижаните сега имаат цела сликовница од голмани.
🔴🔵 Avec Gianluigi Donnarumma, le PSG aura 9 gardiens sous contrat !
🤔 De qui le PSG doit-il se séparer selon vous ? pic.twitter.com/FSxbE3jHxs
— beIN SPORTS (@beinsports_FR) July 11, 2021
Алфонс Ареола е под договор со ПСЖ, но бранеше за Фулам како позајмен голман. Вест хем е заинтересиран за да го добие на нова позјамица што би ја договориле со парижаните.
Серхио Рико има актуелен договор до 2024 година со ПСЖ, а бранеше на 10 меча од 2020 година. Интересен е случајот со Александре Летелие, чиј договор со ПСЖ истече пред 15 дена, но му беше продолжен за две години.
Под договор со францускиот вицешампион се и Лукас Лавалие, Денис Франки, Марчин Булка и Гарисон Иносент, што значи дека ПСЖ има дури 9-мина голмани пред стартот на новата сезона.
