Францускиот првак Пари Сен Жермен успеа да го реши проблемот што го попречуваше преминот на Рандал Коло Муани во Јувентус. Парижаните имаа шестмина играчи од првиот тим на позајмица, што ги ограничуваше во можноста за реализација на нов заем.
ПСЖ ќе го раскине договорот со дефанзивецот Хуан Бернат, кој моментно настапува на позајмица во Виљареал. Се очекуваше ПСЖ да го продаде Шер Н’дур, кој игра на позајмица во Бешикташ, но договор не беше постигнат.
— Fabrizio Romano (@FabrizioRomano) January 22, 2025
Paris Saint-Germain terminate Juan Bernat’s contract with immediate effect.
Randal Kolo Muani’s move to Juventus on loan with no buy option has now been sealed. pic.twitter.com/vE5Bbriwtt
Со тоа трансферот на Рандал Коло Муани во Јувентус на позајмица, без опција за откуп, е финализиран.
По раскинувањето на договорот на Бернат, ПСЖ може да ги потпише документите за заем на Коло Муани. Францускиот репрезентативец ќе игра во Торино до крајот на сезоната.
