Актуелниот европски клупски шампион Пари Сен Жермен го ставил Џанлуиџи Донарума на трансфер листа, објавија француските медиуми.
Причината е неуспешниот обид за постигнување договор за нова соработка. ПСЖ не сака да ризикува да го загуби голманот без обештетување во летото 2026 година, кога му истекува актуелниот договор.
Францускиот клуб е пред реализација на трансферот на голманот на Лил, Лукас Шевалие, кој ќе потпише петгодишен договор.
Баерн Минхен внимателно ја следи ситуацијата, а според медиумите на Островот, Донарума би можел да ја продолжи кариерата и во Манчестер јунајтед. Наводно, ПСЖ е подготвен да го продаде за околу 30 милиони евра.
26-годишниот италијански репрезентативец пристигна во ПСЖ од Милан во 2021 година и досега одигра 161 натпревар во сите конкуренции, примајќи 156 голови и задржувајќи ја својата мрежа недопрена во 56 средби.
