Европскиот првак Пари Сен Жермен јасно му покажа на Џанлуиџи Донарума дека не смета повеќе на него, откако италијанскиот голман беше исклучен од тимот за натпреварот за Суперкупот на Европа против Тотенхем што ќе се одигра во среда.
Тензиите меѓу клубот и Донарума се зголемија по прекинот на преговорите за нов договор, бидејќи двете страни не се блиску до согласност. Договорот на европскиот шампион со Италија истекува следното лето, кога може да си замине како слободен агент. Сè укажува дека ПСЖ нема намера да го пушти бесплатно како што беше случај со Килијан Мбапе, туку планира да го продаде ова лето.
Клубот веќе се подготви за неговото заминување, доведувајќи го Лукас Шевалие од Лил како негова замена. Ако Донарума очекуваше да се бори за првотимско место, тренерот Луис Енрике јасно му порача дека тоа нема да се случи. Можно е Донарума веќе да го одигра последниот натпревар за ПСЖ, иако минатата сезона имаше голема заслуга за освојување на четири трофеи, вклучувајќи ја и Лигата на шампиони.
Се очекува Донарума да замине во Премиер Лигата, каде Манчестер јунајтед е најголем фаворит за негов потпис. Интерес покажуваат и Челзи, Баерн Минхен и Галатасарај, додека Интер и Јувентус го следат, но тие не можат да ги покријат неговите финансиски барања.
