Францускиот шампион синоќа со гол од пенал во 97-мата минута се спаси од пораз во дуелот со Рен, и тоа без својата најголема ѕвезда Килијан Мбапе, која се чини дека се наоѓа на „тенок мраз“ кај управата и тренерот Луис Енрике по неговата одлука на крајот од сезоната да си замине и да потпише за Реал Мадрид.
Мбапе пред натпреварот беше исвиркан од навивачите додека доаѓаше на „Паркот на принцовите“, а уште поголемо понижување доживеа за време на натпреварот.
Напаѓачот беше изваден во игра во 65-тата минута, и тоа во моменти кога неговиот ПСЖ имаше негатива од 0:1, а Мбапе ниту беше повреден, ниту се пожали на повреда, ниту беше уморен.
https://twitter.com/i/status/1761806077698388031
Досега Мбапе како член на ПСЖ никогаш не бил толку рано изваден од игра во моменти кога неговиот тим имал негатива, но медиумите шпекулираат дека тоа е еден вид одмазда за неговата одлука налето да потпише за Реал Мадрид.
