Водечката екипа на француското фудбалско првенство, Пари Сен Жермен, остана без гол на гостувањето кај Оксер, освојувајќи само бод, второ коло по ред. И покрај уште еден натпревар без победа, тимот на ПСЖ сè уште има убава предност од осум бодови пред Марсеј, Лил и Монако.
ПСЖ упати 11 удари во рамките на голот на Оксер, но не успеа да постигне погодок. Ова е рекорд во француското првенство за најголем број удари без постигнат гол, откако „Опта“ почна да собира податоци, од сезоната 2006/07.
Главниот „виновник“ за тоа што екипата на Луис Енрике повторно не дојде до победа беше домашниот голман Донован Леон, кој забележа пет фантастични одбрани и ја сочува својата мрежа недопрена.
Голманот од Француска Гвајана го заврши натпреварот со вкупно 11 одбрани. Во натпреварите од Топ 5 лигите, повеќе одбрани има само Мадс Хермансен од Лестер во поразот од Арсенал.
Леон се израмни на второто место со Хрватот Недељко Лабровиќ од Аугсбург, кој исто така имаше 11 одбрани против Баерн.
