Пари Сен Жермен размислува за трансфер на напаѓачот Хулијан Алварес од Атлетико Мадрид, јавуваат француските медиуми. Тренерот на европскиот клупски првак, Луис Енрике, е импресиониран од настапите на 25-годишниот Аргентинец и сака да ја засили офанзивната линија на парижаните со него.
Раководството на Пари Сен Жермен во последните неколку недели ја испитува можноста за реализација на трансферот, а самиот Алварес би бил среќен да игра под водство на шпанскиот стратег.
Барселона и неколку клубови од Премиер лигата исто така покажуваат интерес за 25-годишниот Алварес, но светскиот првак со Аргентина не сака да се врати во Англија. Тој е подготвен да премине во ПСЖ доколку клубовите постигнат договор.
Атлетико Мадрид е подготвен да го ослободи напаѓачот за сума од 120 милиони евра.
