УЕФА синоќа го објави распоредот на натпревари за квалификациите за ЕП 2024, според тој распоред Македонија во првото коло треба да игра дома со Малта, а во последното да ја нагости Англија, но утрово од Европската куќа на фудбалот дојде студен туш – распоредот на важи, и ќе биде објавен нов.
„Забележавме проблем во календарот и ве молиме да не обраќате внимание на списокот со мечеви кој беше испратен. Новата верзија ќе биде готова што е можно најскоро. Се извинуваме за направената непријатност “ – објавија од УЕФА.
Од ФФМ потврдија дека УЕФА нема да прави измени во нашата група, што значи почнуваме на 23-ти март дома против Малта.
РАСПОРЕД НА НАТПРЕВАРИ НА МАКЕДОНСКАТА РЕПРЕЗЕНТАЦИЈА:
23. март 2023 Македонија – Малта
16. јуни 2023 Македонија – Украина
19. јуни 2023 Англија – Македонија
09. септември 2023 Македонија – Италија
12. септември 2023 Малта – Македонија
14. октомври 2023 Украина – Македонија
17. ноември 2023 Италија – Македонија
20. ноември 2023 Македонија – Англија
