Ракометната федерација на Македонија објави дека од денеска се пуштени во продажба билетите за претстојниот фајнал-фор турнир од Купот на Македонија. Билети може да се купат на сајтот на МК тикетс.
Со еден билет ќе може да се проследат полуфиналните натпревари од машкиот и женскиот Ф4, кои ќе се одиграат на 17-ти и 18-ти април во Спортската сала „Парк“ во Струмица. Цената на билетот изнесува 400 денари.
За билетите за финалните натпревари кои ќе се играат в недела на 19-ти, дополнително ќе биде објавена информација.
