Македонскиот прволигаш Работнички продолжува активно да се засилува во пресрет на настапите на европската сцена. Најново име во редовите на клубот од Дебар Маало е босанскиот интернационалец Амир Велиќ (26), кој настапува на позицијата централен дефанзивец.
Велиќ потпиша договор на две години и се приклучува на екипата на тренерот Бојан Маркоски, кој ова лето значително ја реконструира одбраната.
Во својата досегашна кариера, Амир Велиќ настапуваше за босанските клубови Игман Коњиц, Горажде, Орашје и други, стекнувајќи искуство во Првата лига на БиХ.
Работнички во првото квалификациско коло од Конференциската лига ќе се сретне со белорускиот тим Торпедо-Белаз.
