Првакот Работнички одбраната на титулата во македонскиот кошаркарски шампионат ја почнува со гостување кај АВ Охрид, а дерби на стартот е пресметката на Блокотехна и МЗТ Скопје во салата „НБ Ноел“. Новина е што Шкупи во последен момент доби дозвола да игра во првата лига, па така елитата ќе брои 11 члена, иако МКФ неодамна објави дека ќе бидат 10.
Чаирчани се заблагодарија што Федерацијата и останатите клубови им дозволија да играат во прва лига откако најдоа спонзор. Првата лига за првпат во свото постоење ќе има 11 екипи, па така, во секоја рунда, ќе има по еден слободен тим.
Двојките за првото коло се: АВ Охрид – Работнички, Вардар – Куманово, Блокотехна – МЗТ Скопје Аеродром, Гостивар – Кожув, Пелистер – Фени Индустри, а Шкупи е слободен.
Лигата треба да почне на шести октомври.
