Македонскиот прволигаш Работнички со денешниот четврти натпревар на „Медулин куп 2025“ ги заокружи подготовките во Хрватска. Романтичарите го освоија четвртото место на турнирот, откако денеска загубија на пенали (4-5) од црногорскиот прволигаш Бокељ од Котор. Во регуларниот тек натпреварот заврши без голови.
На подготовките во Хрватска, Работнички стартуваше со пораз од српскиот тим Прва Искра Бариќ (1-2), потоа одигра 2-2 против американскиот тим Шарлот, следеше триумф од 2-1 против Младост ДГ и денешното реми 0-0 против Бокељ.
По ова Работнички се враќа во Македонија, каде в недела ќе го одигра последниот тест натпревар против Кожуф, во пресрет на почетокот на вториот дел од сезоната во Првата лига.
