Радио Каталуња го најави новиот тренер на Барселона

Барселона игра очајно, тимот убедливо ги загуби двата меча во Лигата на шампиони, а и во домашното првенство не игра како што посакуваат навивачите. Каталонскиот гигант вечерва игра во Мадрид против актуелниот првак Атлетико, а на клупата на гостите ќе го нема тренерот Роналд Куман, кој е суспендиран.

Иако е суспендиран и нема да го води тимот во Мадрид, пораз на Барселона најверојатно ќе значи и отказ за Куман. Според последните информации, претседателот на Барселона, Жоан Лапорта веќе има пронајдено и замена за стратегот.

Радио Каталуња објави дека стратегот на Ајакс, Ерик тен Хаг е најголем фаворит да биде нов тренер на Барселона. Проблем е тоа што Тен Хаг има важечки договор со Ајакс, но тоа може да се реши со соодветен паричен надоместок.

Освен Тен Хаг, деновиве како можни наследници на Куман се споменуваа и Андреа Пирло, Марсело Гаљардо, Роберт Мартинез и Чави.

 

- Оглас -

Најнови вести