Еурофарм Пелистер останата без услуги на капитенот Мирко Радовиќ за настапот во Лигата на шампионите, откако црногорскиот репрезентативец и официјално се врати во својот матичен клуб Ловќен од Цетиње.
33-годишниот ракометар токму од редовите на Ловќен се пресели во Битола пред четири години, а новиот и амбициозен проект на клубот од Црна Гора се покажа како привлечен за Радовиќ да се врати дома.
