Фудбалерот на Барселона, Рафиња, беше еден од најзаслужните за победата на Бразил над Колумбија во квалификациите за Светското првенство. Тој беше стрелец од пенал, а му асистираше и на Винисиус при постигнувањето на победничкиот гол.
По мечот се осврна на Нејмар и на неговото враќање во дресот на Кариоките.
„Сè додека Нејмар игра фудбал, за него ќе има место во националниот тим. Тој сè уште е важен за нас. Тој е личност со влијание и на теренот и надвор од него. Нејмар може да донесе големи работи за Бразил. Можеме да си помогнеме еден на друг за да ги постигнеме нашите цели“, рече Рафиња.
