Битката за титултата во НБА тргна со помалку неочекуван исход и гостинска победа на Бостон селтикс од 120:108 против Голден стејт во првиот натпревар од финалната серија.
Селтикси надополнија 15 поени негатива во второто полувреме и приредија шутерско шоу среде Сан Франциско за брејк на стартот од големото финале. Ал Хорфорд и Дерик Вајт како херои од сенка за Келтите со 26, односно 21 поен го предводеа тимот на Удока.
The @celtics made 20 catch-and-shoot 3-pointers in Game 1 as tracked by #NBACourtOptix powered by Microsoft Azure!
This is the most of any team in a single game this postseason, and the most the Celtics have made in a single game including the regular season and playoffs. pic.twitter.com/khMV43dUyD
— NBA (@NBA) June 3, 2022
Иако Голден стејт важи за можеби најдобрата шутерска екипа во лигата, избраниците на Стив Кер загубија по свој рецепт. Домаќините погодија 19 тројки од 45 обиди, додека Бостон погоди половина од обидите од дистанца, 21/41.
Воините во последниот период влегоа со +12 поени предност, но им се случи тотален распад за само пет минути во кои не можеа да реализираат ниту еден напад, а на другата страна следуваше фантастична серија на гостите од 17-0. Бостон така ги доби последните 12 минути со неверојатни 40-16 за голема победа во оваа серија.
Покрај Хорфорд и Вајт, со 24 поени се истакна и Џејлен Браун, додека Кари со 34 поени делуваше осамено кај домашниот состав.
Al Horford was on fire in Q4, going 4-for-4 from the field to lead the @celtics comeback to take a 1-0 series lead! #ToastedHighlights pic.twitter.com/X3J5G6XKIC
— NBA (@NBA) June 3, 2022
